Just In
- 1 hr ago വിവാഹ ജീവിതത്തില് എന്നും സന്തോഷവും സമാധാനവും വേണോ, എങ്കില് 1-1-1-1 വിവാഹ നിയമം പിന്തുടരൂ
- 1 hr ago ഒരു പ്രായത്തിന് ശേഷം അടിവയറ്റില് വേദന കൂടുതല്: പതിയേ ക്യാന്സര് വളരുന്നു?
- 2 hrs ago നിഗൂഢമായ ജീവിതങ്ങള്! ലോകം ഇന്നും അറിയാത്ത കാശി നഗരത്തിന്റെ ചില രഹസ്യങ്ങള്
- 3 hrs ago പേടിയില്ലാത്തവള്, പെണ്സിംഹം; രാഷ്ട്രീയത്തില് കങ്കണ റണൗട്ട് വിളങ്ങുമോ? ജാതകം പറയുന്നത് ഇതാണ്
Don't Miss
- Automobiles ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
- Travel അവധിക്കാലത്തെ ഒറ്റദിവസം മതി; കറങ്ങിവരാൻ ഇഷ്ടംപോലെ സ്ഥലങ്ങൾ.. ചതുരംഗപ്പാറ , റിപ്പിൾസ്, ആനയിറങ്കൽ...
- News 238 തിരഞ്ഞെടുപ്പിൽ തോറ്റുതൊപ്പിയിട്ടു; റെക്കോർഡും കിട്ടി; ഈ തിരഞ്ഞെടുപ്പിലും പത്മരാജൻ മത്സരിക്കും
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
- Movies കല്യാണത്തിനായി മതം മാറി, വീട്ടില് പ്രശ്നമായി; പ്രണയ കഥ പറഞ്ഞ് നിഷാനയും ഭര്ത്താവും
- Sports IPL 2024: ആരും തളരരുത്, ഡ്രസിങ് റൂമില് ഹാര്ദിക്കിന്റെ പ്രസംഗം; വീഡിയോ വൈറല്
- Technology സർവ്വവും എഐ മയം; വാട്സ്ആപ്പിലും എഐ ഫീച്ചറുകൾ എത്തുന്നു, ചാറ്റ്ബോട്ടും ഇമേജ് എഡിറ്ററും ഉടൻ എത്തും
തറയിലെ എണ്ണക്കറകള് നീക്കാം
ദീപാവലി ആഘോഷങ്ങള് നടക്കുന്ന ഈ സമയത്ത് പല ആഘോഷപരിപാടികളും നമ്മള് സംഘടിപ്പിക്കാറുണ്ടാവും. തിന്മയുടെ മേല് നന്മയുടെയും, ഇരുട്ടിന് മേല് വെളിച്ചത്തിന്റെയും, അറിവില്ലായ്മയുടെ മേല് ജ്ഞാനത്തിന്റെയും വിജയം പ്രഘോഷിക്കുന്ന ഉത്സമാണ് ദീപാവലി. ഈ സമയത്ത് വീടുകളില് എണ്ണവിളക്കുകള് തെളിയിക്കുന്നത് ഒരു പ്രധാന ചടങ്ങാണ്. ജീവിതത്തിലേക്ക് വെളിച്ചം കൊണ്ടുവരുക എന്ന സങ്കല്പത്തോടെ വീടും പരിസരവും നമ്മള് ദീപാലംകൃതമാക്കുന്നു. ഇതോടൊപ്പം ചില പ്രായോഗികമായ കാര്യങ്ങള് കൂടി നമ്മള് പരിഗണിക്കേണ്ടതുണ്ട്.
വീടുമുഴുവന് എണ്ണ വിളക്കുകള് തെളിയിക്കുമ്പോള് സ്വഭാവികമായും ഈ എണ്ണ തറയില് വീഴാനുള്ള സാധ്യത കൂടുതലാണ്. തറ വൃത്തികേടാകാന് ഇത് കാരണമാകും. ഇത്തരം എണ്ണക്കറകള് നീക്കാന് പല മാര്ഗ്ഗങ്ങളും നിലവിലുണ്ട്. എന്നാല് ഈ ആവശ്യത്തിനായി വിപണിയില് ലഭിക്കുന്ന ഉത്പന്നങ്ങളില് ആസിഡ് അടങ്ങിയിട്ടുണ്ട് എന്നത് അവയുടെ ഒരു പോരായ്മയും ദോഷവുമാണ്. ഇവ എളുപ്പം കറ നീക്കം ചെയ്യുമെങ്കിലും തറയ്ക്ക് ദോഷകരമാകുമോ എന്ന സംശയം പലര്ക്കുമുണ്ടാകും.
ഈ പ്രശ്നം പരിഹരിക്കാന് സുരക്ഷിതമായ ചില മാര്ഗ്ഗങ്ങളാണ് ഇനി പറയുന്നത്.
1. കിറ്റി ലിറ്റര് - പൂച്ചകള്ക്ക് മലവിസര്ജ്ജനം നടത്തുന്നതിനായി പെട്ടിയില് നിറയ്ക്കുന്ന കിറ്റി ലിറ്റര് എന്നറിയപ്പെടുന്ന വസ്തു എണ്ണക്കറ നീക്കാനായി ഉപയോഗിക്കാം. തറയില് എണ്ണ വീണാലുടനെ ഈ പൊടി അതിന് മേലെ വിതറുക. രാത്രി മുഴുവനും അതേ പോലെ ഇട്ട് രാവിലെ തുടച്ച് നീക്കം ചെയ്യുക. ഇത് വളരെ ഫലപ്രദമായ ഒരു മാര്ഗ്ഗമാണ്.
2. ഈര്ച്ചപ്പൊടിയും തിന്നറും - പെയിന്റ് തിന്നറും, അറക്കപ്പൊടിയും ചേര്ത്തിളക്കി എണ്ണക്കറക്ക് മേലെ ഇടുക. ഇരുപത് മിനുട്ട് നേരം ഇങ്ങനെയിട്ട ശേഷം തുടച്ച് കളയുക. ശരിക്കും നീങ്ങിയിട്ടില്ലെങ്കില് അത് വീണ്ടും ഉപയോഗിക്കുക.
3. ബേക്കിംഗ് സോഡ - പാചകത്തിന് മാത്രമല്ല എണ്ണക്കറകള് നീക്കാനും ബേക്കിംഗ് സോഡ ഉത്തമമാണ്. ദീപാവലി പലഹാരങ്ങളുണ്ടാക്കാന് സാധനങ്ങള് വാങ്ങുന്നതിനൊപ്പം അല്പം ബേക്കിംഗ് സോഡയും വാങ്ങുക. എണ്ണ തറയിലായാല് അതിന് മേലെ അല്പം ബേക്കിംഗ് സോഡ വിതറി ചൂടുവെള്ളം ഒഴിച്ച് കഴുകുക.
4. ഡിഷ്വാഷര് ഡിറ്റര്ജന്റ് - ഏറ്റവും എളുപ്പത്തില് എണ്ണക്കറ നീക്കാനുള്ള ഒരു മാര്ഗ്ഗമാണ് ഡിറ്റര്ജന്റ് ഉപയോഗിക്കുന്നത്. ഇത് എണ്ണക്കറക്ക് മേലെ വിതറി അത് ആഗിരണം ചെയ്യാനായി അല്പസമയം കാത്തിരിക്കുക. വെള്ളം നല്ലത് പോലെ ചൂടാക്കി ഒഴിച്ച് അവിടം കഴുകുക.
5. ട്രൈ സോഡിയം ഫോസ്ഫേറ്റ് - ടി.എസ്.പി അഥവാ ട്രൈ സോഡിയം ഫോസ്ഫേറ്റ് ഉപയോഗിച്ച് കടുത്ത കറകള് നീക്കം ചെയ്യാനാകും. എണ്ണക്കറകള് നീക്കാന് നാല് ലിറ്റര് വെള്ളത്തില് ടി.എസ്.പി ചേര്ത്ത് സ്പ്രേ ചെയ്യുക. 20-30 മിനുട്ട് കഴിഞ്ഞ് ഇത് കഴുകി വൃത്തിയാക്കുക.
6. WD40 - വീടുകളില് സാധാരണ കാണാറുള്ള ഒരു ലൂബ്രിക്കന്റാണ് ഡബ്ലിയു. ഡി 40 (WD40). ഇത് എണ്ണക്കറപുരണ്ട ഭാഗത്ത് സ്പ്രേ ചെയ്ത് 30 മിനുട്ട് കഴിഞ്ഞ് കഴുകി വൃത്തിയാക്കുക.
7. കടുപ്പമേറിയ കറകള് - കറ വളരെ കടുത്തതും അത് നീക്കം ചെയ്യാന് സാധിക്കാതെയും വന്നാല് കോണ്ക്രീറ്റ് ക്ലീനര് ഉപയോഗിക്കുക. ആല്ക്കലൈന് സോപ്പ് കറയുടെ മേലെ ഉരച്ചും കടുത്ത കറകള് നീക്കം ചെയ്യാനാവും.