Just In
- 1 hr ago 900 വര്ഷം പഴക്കമുള്ള മമ്മി, 1000 തൂണുകളുള്ള ഹാള്; അത്ഭുതം ഈ രംഗനാഥസ്വാമി ക്ഷേത്രം
- 2 hrs ago കാത്തിരുന്നൊരു കാമുകിയെ കിട്ടിയോ; കൈവിട്ടു പോകാതിരിക്കാന് ശ്രദ്ധിക്കേണ്ട 8 കാര്യം
- 2 hrs ago വായുവേഗത്തില് പ്രസാദിക്കും പവനപുത്രന്, ആഗ്രഹസാഫല്യം നല്കും ഹനുമാന് ജയന്തി ആരാധന
- 3 hrs ago മീനത്തില് ബുധന്റെ ഉദയം; ജീവിതം മാറുന്ന കാലം, മേടം-മീനം ഫലങ്ങള്
Don't Miss
- Movies നീ സിനിമയില് പോയാല് ഞാന് മരിക്കും എന്ന് അച്ഛന്; പെണ്കുട്ടികള്ക്ക് സുരക്ഷിതമല്ലെന്ന് കരുതി
- News 400 കിലോ തനി തങ്കവും 15 കോടിയും: കാനഡയുടെ ചരിത്രത്തിലെ ഏറ്റവും വലിയ കവർച്ച, ഇന്ത്യക്കാരും പിടിയിലായി
- Sports IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
- Technology ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
- Automobiles ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി
- Finance സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം
- Travel അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ
വീടിനായി വാസ്തു ടിപ്സ് !!
വാസ്തുവില് വിശ്വാസമുണ്ടോ? വാസ്തു ഉപകരണങ്ങള്ക്കായി പണം മുടക്കി വീട് നിറക്കുന്ന ശീലം ഉള്ളവരാണോ നിങ്ങള്. എങ്കില് കയ്യില് നിന്ന് അധികം ചെലവാക്കാതെ തന്നെ നിങ്ങളുടെ വീട് വാസ്തു അനുഗുണമാക്കി തീര്ക്കാവുന്നതാണ്.
വാസ്തു ശാസ്ത്രത്തെ വിശ്വസിക്കാത്തവര്ക്കും വൃത്തിയും ഭംഗിയുമുള്ള വീടിനായി ഈ മാര്ഗ്ഗങ്ങള് പരീക്ഷിച്ചുനോക്കാവുന്നതാണ്.
പോസിറ്റീവ് ഊര്ജ്ജത്തെ ആകര്ഷിക്കുക
പോസിറ്റീവ് ഊര്ജ്ജത്തെ മാത്രം ഉള്ക്കൊള്ളുന്നതാകണം വീട് എന്നതാണ് വാസ്തുശാസ്ത്രത്തിന്റെ ഏറ്റവും പ്രധാനനിര്ദ്ദേശം. കിഴക്ക് ഭാഗത്തേക്കോ വടക്ക് ഭാഗത്തേക്കോ അല്ലെങ്കില് വടക്ക് പടിഞ്ഞാറ് ഭാഗത്തേക്കോ മുഖം വരുന്ന രീതിയിലുള്ള വീടുകള് വേണം താമസത്തിന് തെരഞ്ഞെടുക്കാന്. പുറത്തുപോയി വന്നാല് കാലും മുഖവും കഴുകുന്നത് വീട്ടില് പോസിറ്റീവ് ഊര്ജ്ജം നിലനിര്ത്താന് സഹായിക്കുമെന്നാണ് വാസ്തുശാസ്ത്രം പറയുന്നത്. മുറികളെ ഇരുട്ടില് നിര്ത്താതെ എപ്പോഴും പ്രകാശപൂരിതമാക്കുക, രാവിലേയും വൈകീട്ടും വിളക്ക് കത്തിച്ചും ചന്ദനത്തിരികള് കത്തിച്ചും അല്പനേരം പ്രാര്ത്ഥിക്കുക എന്നിവയെല്ലാം വീട്ടിലുള്ള നെഗറ്റീവ് ഊര്ജ്ജത്തെ അകറ്റി നിര്ത്താന് സഹായിക്കുന്നതാണ്.
വീട് അലങ്കോലപ്പെടുത്തരുത്
വീട് എപ്പോഴും വൃത്തിയോടെ വേണം സൂക്ഷിക്കാന്. സാധനങ്ങള് വലിച്ചുവാരിയിടുന്നതും അങ്ങിങ്ങായി അഴുക്കുപറ്റി നില്ക്കുന്നതും പൊടി പിടിച്ചിരിക്കുന്നതുമെല്ലാം വാസ്തുശാസ്ത്രത്തിന് വിരുദ്ധമാണ്. വാസ്തുവില് വിശ്വസിക്കുന്നവര് മാത്രമല്ല അടുക്കും ചിട്ടയുമുള്ള ജീവിതം നയിക്കാന് ആഗ്രഹിക്കുന്നവരെല്ലാം തന്നെ താമസസ്ഥലങ്ങളെ എപ്പോഴും വൃത്തിയോടെ കൊണ്ടുനടക്കാന് ഇഷ്ടപ്പെടുന്നവരാണ്. ഒരു വര്ഷമായി ഉപയോഗിക്കാത്ത വസ്തുക്കള് ഒഴിവാക്കുക, കാരണം ഇനി ഭാവിയിലും നിങ്ങള് അത് ഉപയോഗിക്കാനുള്ള സാധ്യത കുറവാണ്. അലങ്കോലമായ വീട്ടില് ആശങ്കകളും തര്ക്കങ്ങളും ഉണ്ടാകുമെന്നും വാസ്തുശാസ്ത്രം പറയുന്നു. വൃത്തിയുള്ള വീട് പോസിറ്റീവ് ഊര്ജ്ജം ലഭ്യമാക്കുന്നു.
മൂര്ച്ചയേറിയ ഭാഗങ്ങള് ധാരാളമില്ലാതിരിക്കുക
സ്വന്തമായി ഫഌറ്റോ വീടോ വാങ്ങുന്നതിന് പദ്ധതിയുണ്ടെങ്കില് ഒരു കാര്യം പ്രത്യേകം ശ്രദ്ധിക്കുക ചുമരുകളുടെ മൂലകളില് മൂര്ച്ചയേറിയ ഭാഗങ്ങളിലെന്ന് ഉറപ്പാക്കണം. ഫഌറ്റ് വാങ്ങും മുമ്പ് അതിന്റെ ഒരു ഏരിയല് വ്യൂ വരച്ച് നോക്കൂ വ്യക്തമായി എല്ലാകാര്യങ്ങളും കണ്ടെത്തി മനസ്സിലാക്കാന് പറ്റും. മൂര്ച്ചയേറിയ ഭാഗങ്ങള് വീട്ടിലേക്ക് നെഗറ്റീവ് ഊര്ജ്ജത്തെ ആകര്ഷിക്കും എന്നതിനാലാണിത്. റാക്കുകള്, ഷെല്ഫുകള്, മറ്റ് ഫര്ണിച്ചറുകള് എല്ലാം ഗോളാഗ്രങ്ങളുള്ളവയായിരിക്കണം.
കിടപ്പുമുറിയെ അവഗണിക്കരുത്
കിടപ്പുമുറിയേക്കാള് നല്ലവണ്ണം ഒരു വ്യക്തിയുടെ സ്വകാര്യത മനസ്സിലാക്കുന്ന ഇടം വേറെയില്ല. നിങ്ങളും പങ്കാളിയും ഏറ്റവും സുന്ദരമായ നിമിഷങ്ങള് ഇവിടെയാണ് പങ്കുവെക്കുന്നത്. അതിനാല് ഏറ്റവും അധികം ശ്രദ്ധ നല്കേണ്ടതും ഇവിടെ തന്നെ. പങ്കാളിയുമായി ചേര്ന്നുള്ള സുന്ദരനിമിഷങ്ങള് എപ്പോഴും ഓര്മ്മയിലെത്താന് സഹായിക്കുന്ന ഫോട്ടോകള് കിടപ്പുമുറിയില് തൂക്കിയിടാം. കട്ടിലിന്റെ എതിര്വശത്തായി കണ്ണാടിയോ മറ്റെന്തെങ്കിലും ചില്ലുകളടങ്ങിയ ഉത്പന്നങ്ങളോ ഇല്ലെന്ന് ഉറപ്പുവരുത്തണം. കാരണം ഇവ ചീത്ത സ്വപ്നങ്ങള് കാണാന് ഇടയാക്കുമെന്ന് വാസ്തുശാസ്ത്രം പറയുന്നു.
ആകര്ഷകമല്ലാത്തവ ഉപേക്ഷിക്കാം
കള്ളിമുള് ചെടി പോലെ മുള്ളുള്ള ചെടികള് വീടിനകത്ത് വളര്ത്തരുത്. നെഗറ്റീവ് ഊര്ജ്ജത്തെ ആകര്ഷിക്കാന് ഇതിന് സാധിക്കും എന്നതിനാലാണിത്. അതേ പോലെ കൃത്രിമ വസ്തുക്കള് കൊണ്ട് വീട് അലങ്കരിക്കുന്ന ശീലം ധാരാളം പേര്ക്കുണ്ട്. അതൊരുപക്ഷെ വീടിന് ഭംഗി നല്കിയേക്കാം. എന്നിരുന്നാലും യഥാര്ത്ഥ പൂക്കളുടേയും ചെടികളുടേയും ഭംഗി കാണുമോ പ്ലാസ്റ്റിക്ക് പൂവുകള്ക്കും മാലകള്ക്കും? മാത്രമല്ല, ശബ്ദവും വീടിന്റെ സമാധാനത്തെ ബാധിക്കുന്നതാണ്. കാതിനിണങ്ങാത്ത ശബ്ദങ്ങളെ ഒഴിവാക്കാം. ഉദാഹരണത്തിന് കോളിംഗ് ബെല്. അരോചകമായ കോളിംഗ് ബെല്ലുകള് വെയ്ക്കരുത്. ശബ്ദം കൂട്ടിയുള്ള സംസാരവും വീടിന്റെ ശാന്തിയെ ബാധിക്കും.
മരുന്നുകള് അടുക്കളയില് വെക്കാതിരിക്കുക
മരുന്നുകള് അടുക്കളയില് വെക്കുന്നത് വാസ്തുദോഷമാണെന്ന് ശാസ്ത്രം. ഇത് നെഗറ്റീവ് ഊര്ജ്ജത്തെ വീട്ടിലേക്ക് ആകര്ഷിക്കുമത്രെ.
ഫോട്ടോകള്ക്കുമുണ്ട് സ്ഥാനം
കരയുന്ന പെണ്കുട്ടി, യുദ്ധചിത്രങ്ങള്, ദേഷ്യമുള്ള മുഖം, മൂങ്ങ, പരുന്ത് എന്നിവയുള്ള ചിത്രങ്ങള് വീടുകളില് സൂക്ഷിക്കുന്നത് വാസ്തുദോഷമാണത്രെ.