വറുത്ത് പൊടിച്ച ജീരകവും തേനും, ഗുണങ്ങള്‍ നിരവധി

ജീരകം പൊടിച്ചതും തേനും മിക്‌സ് ചെയ്ത് കഴിച്ചാല്‍ തടിയും വയറും കുറയ്ക്കാം.

| Published: Thursday, March 9, 2017, 9:55 [IST]

തടി കൂടുന്നത് തന്നെയാണ് പലരുടേയും ആത്മവിശ്വാസം ഇല്ലാതാവുന്നതിന്റെ പ്രധാന കാരണം. എന്നാല്‍ പലരും ഇതിന് പ്രതിവിധി തേടുന്നത് കഠിനമായ വ്യായാമമുറകളിലൂടെയും ഭക്ഷണ നിയന്ത്രണത്തിലൂടേയും ആയിരിക്കും. തടി കൂടുന്നതിലൂടെ വയറു ചാടുന്നതും പ്രശ്‌നം തന്നെയാണ്.

വറുത്ത് പൊടിച്ച് ജീരകത്തില്‍ തേന്‍ ചേര്‍ക്കുമ്പോള്‍ അതിന്റെ ഗുണങ്ങളും അത്രത്തോളം തന്നെ പ്രശസ്തമാണ്. ചെറുപ്പക്കാരിലും മധ്യവയസ്‌കരിലും ഈ പ്രശ്‌നം വലിയ വെല്ലുവിളി തന്നെയാണ് സൃഷ്ടിയ്ക്കുന്നത്.

എന്നാല്‍ ഇനി ജീരകത്തിലൂടെ തടി കുറയ്ക്കാം. അതിനായി അല്‍പം ജീരകവും കുറച്ച് തേനും മാത്രം മത്. തേന്‍ തടി കുറയ്ക്കുന്ന കാര്യത്തില്‍ എപ്പോഴും മുന്നില്‍ തന്നെയാണ്.

ജീരകം

ഈജിപ്ത് ആണ് സ്വദേശമെങ്കിലും നമുക്ക് വളരെയധികം പരിചിതനാണ് ജീരകം. ജീരകം വെള്ളം തിളപ്പിച്ച് കുടിയ്ക്കുന്നതും നമുക്കെല്ലാം ശീലമുള്ള കാര്യമാണ്. പല രോഗങ്ങള്‍ക്കും പരിഹാരമാണ് ജീരകം എന്ന കാര്യത്തില്‍ സംശയം വേണ്ട.

തേന്‍

ആന്റി ഓക്‌സിഡന്റിന്റെ കലവറയാണ് തേന്‍. തേന്‍ ധാരാളം കഴിയ്ക്കുന്നത് കലോറി കുറയ്ക്കുകയും ശരീരത്തിലെ കൊഴുപ്പിനെ ഇല്ലാതാക്കുകയും ചെയ്യുന്നു.

തേനിനോടൊപ്പം ജീരകം

തേനിനോടൊപ്പം ജീരകം ചേരുമ്പോള്‍ അത് കുടവയറിനെ ഇല്ലാതാക്കുന്നു. തേനില്‍ അല്‍പം ജീരകം വറുത്ത് പൊടിച്ച് ചേര്‍ത്ത് കഴിയ്ക്കുക. അതും രാവിലെ വെറും വയറ്റില്‍ കഴിയ്ക്കാം. ഇത് ശരീരത്തിലെ കൊഴുപ്പിനെ ഇല്ലാതാക്കുന്നു.

രക്തത്തിലെ കൊഴുപ്പ്

രക്തത്തില്‍ അടിഞ്ഞ് കൂടുന്ന കൊഴുപ്പിനെ ഇല്ലാതാക്കാന്‍ ജീരകം സഹായിക്കുന്നു. മാത്രമല്ല രക്തത്തിലെ തടസ്സം ഇല്ലാതാക്കുന്നത് വഴി ഹൃദയാരോഗ്യത്തേയും സംരക്ഷിക്കാം. മാത്രമല്ല ഹൃദയത്തിലെ ബ്ലോക്കും ഇതിലൂടെ നീക്കം ചെയ്യപ്പെടാം.