Just In
- 23 min ago 41,000 വര്ഷങ്ങള്ക്ക് മുമ്പ് ഭൂമിയില് അസാധാരണ നിലയില് കോസ്മിക് റേഡിയേഷന് ഉണ്ടായി
- 1 hr ago വിട്ടുമാറാതെ രോഗം അലട്ടുന്നോ, കുടുംബത്തില് വാസ്തുദോഷമുണ്ടാവാം
- 3 hrs ago ദാമ്പത്യത്തിലെ ഈ അഞ്ച് പ്രശ്നങ്ങളാണ് വിവാഹ മോചനത്തിന് കാരണം
- 3 hrs ago ചാണക്യനീതി: ദൈവം സൃഷ്ടിച്ചത് വെറുതേയല്ല; പക്ഷികളില് നിന്ന് മനുഷ്യന് പഠിക്കേണ്ട 3 ഗുണങ്ങള്
Don't Miss
- Finance 1 കോടി രൂപ സമ്പാദ്യം എന്നത് യാഥാർത്ഥ്യമാക്കാം, ഇതാണ് നിക്ഷേപ പദ്ധതി, ഇന്ന് തന്നെ തുടങ്ങൂ...
- Sports IPL 2024: റിഷഭാണ് കൂടുതല് മിടുക്കന്, സഞ്ജുവിന് ആ 2 കഴിവുമില്ല! തുറന്നടിച്ച് എബിഡി
- News ഹോർലിക്സ് ഇനി 'ഹെൽത്ത് ഡ്രിങ്കല്ല'; ഹെൽത്ത് ലേബൽ ഒഴിവാക്കി, മാറ്റംവരുത്തി ഹിന്ദുസ്ഥാൻ യുണിലിവർ
- Automobiles ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില്
- Movies 'നിർഭാഗ്യം കൊണ്ട് ഇതെല്ലാം സംഭവിച്ചു... എനിക്ക് പ്രധാനം നിന്റെ ആരോഗ്യമാണ്, നീ ഇതിനോടകം വിജയിയായി കഴിഞ്ഞു'
- Technology മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കറ്റാര് വാഴയുടെ ആരോഗ്യമേന്മകള്
ലോകമെങ്ങും പ്രചാരം നേടിയ ഒരു ഔഷധച്ചെടിയാണ് കറ്റാര്വാഴ. ഇതിലടങ്ങിയ ഔഷധഘടകങ്ങള് പ്രകൃതിദത്തമായ ചികിത്സാരീതികളില് കറ്റാര് വാഴയെ ഒരു പ്രമുഖ ഔഷധസസ്യമാക്കി മാറ്റുന്നു. ഉള്ളില് കഴിക്കാനും, പുറമേ ഉപയോഗിക്കാനും സാധിക്കുന്നതാണ് കറ്റാര് വാഴ.
ഒരു പ്രമുഖ ആയുര്വേദ ചികിത്സകയായ ഡോ. ജയശ്രീ ഭട്ടാചര്ജി കറ്റാര് വാഴയുടെ ഗുണങ്ങളെ പരിശോധിക്കുകയാണിവിടെ.
അണുനാശിനി
ശക്തിയുള്ള ഒരു അണുനാശിനിയാണ് കറ്റാര് വാഴ. അതിനാല് മുറിവുകള് ചികിത്സിക്കാനും, ക്ഷുദ്രജീവികളുടെ ദംശനമേറ്റാലും കറ്റാര് വാഴ ഔഷധമായി ഉപയോഗിക്കാം
മുഖക്കുരു
മുഖക്കുരു മാറ്റാന് ഉത്തമമാണ് കറ്റാര്വാഴ. ചുളിവുകള് വീഴാത്ത ചര്മ്മത്തിന് വേണ്ടിയുള്ള സ്ത്രീകളുടെ ആഗ്രഹം പൂര്ത്തീകരിച്ച് തരാന് ശക്തിയുള്ളതാണ് ഇത്. മുഖക്കുരുവിനെ പൂര്ണ്ണമായി ഭേദപ്പെടുത്താനാവില്ല എങ്കിലും കുറവ് വരുത്താന് കറ്റാര് വാഴക്ക് കഴിയും. മുഖക്കുരു വളര്ന്ന് പൊട്ടുന്നത് തടയാന് ഇതിനാവും. ഹോര്മോണ് വ്യതിയാനം മൂലമുണ്ടാകുന്ന മുഖക്കുരു ഭേദമാക്കാന് ഡോക്ടറെ സമീപിക്കുകയാണ് ഉത്തമം.
പൊള്ളലേറ്റാല്
തണുപ്പ് നല്കാനുള്ള കറ്റാര് വാഴയുടെ കഴിവ് പൊള്ളലേറ്റാല് ഉപയോഗപ്പെടുത്താം. ഇത് ചര്മ്മ കോശങ്ങളെ വേഗത്തില് സുഖപ്പെടുത്തുകയും, പുനര്നിര്മ്മാണത്തിന് സഹായിക്കുകയും ചെയ്യും.
പ്രകൃതി ദത്ത മോയ്സ്ചറൈസറായി
കറ്റാര് വാഴയിലെ ഈര്പ്പം ചര്മ്മത്തിന് നനവും, ഇലാസ്തികതയും നല്കും. വീടുകളില് നിക്ഷ്പ്രയാസം വളര്ത്താവുന്ന കറ്റാര് വാഴ പ്രകൃതി ദത്തമായ ഒരു മോയ്സ്ചറൈസറായി ഉപയോഗിക്കാം.
പ്രായം
ചര്മ്മത്തില് പ്രായം തോന്നിപ്പിക്കുന്ന ചുളിവുകളും, വരള്ച്ചയുമുണ്ടാകുന്നത് തടയാന് കറ്റാര്വാഴയ്ക്കാവും. ചര്മ്മത്തിന് യൗവ്വനം നല്കാനായി പല മാര്ഗ്ഗങ്ങള് പരീക്ഷിക്കുന്നവര്ക്ക് ഈ പ്രകൃതിദത്തമായ മാര്ഗ്ഗം പ്രയോഗിച്ച് നോക്കാവുന്നതാണ്.
അലര്ജി
എസ്കിമ, സോറിയാസിസ്, ചൊറിച്ചില് പോലുള്ള ചര്മ്മ സംബന്ധിയായ രോഗങ്ങള്ക്ക് ഉത്തമമ പ്രതിവിധിയാണ് കറ്റാര് വാഴ. അണുക്കളെ തടയുന്നതിനൊപ്പം അലര്ജിക്കെതിരായി പ്രവര്ത്തിക്കുന്ന ഘടകങ്ങളും കറ്റാര് വാഴയിലുണ്ട്.
അസിഡിറ്റി
വൈദ്യചികിത്സയില് ഏറെ പ്രധാന്യമുള്ള കറ്റാര് വാഴയ്ക്ക് അസിഡിറ്റി, ഗ്യാസ്ട്രബിള്, കുടലിലെ അള്സര്., എരിച്ചില് എന്നിവ ഭേദമാക്കാനുള്ള കഴിവുണ്ട്. ഇത് ഉള്ളിലേയും, പുറമേയും ഉള്ള എരിച്ചിലിന് സഹായകരമാണ്. ദഹനസംബന്ധമായ പ്രവര്ത്തനങ്ങളെ കാര്യക്ഷമമമാക്കാനും കറ്റാര് വാഴക്ക് കഴിവുണ്ട്.
പ്രതിരോധശേഷി
കറ്റാര് വാഴയിലെ സമ്പന്നമായ വൈറ്റമിനുകളും, അമിനോ ആസിഡുകളും പ്രതിരോധശേഷി വര്ദ്ധിപ്പിക്കാന് സഹായിക്കും. ഓജസ് ലഭിക്കാനും, ചര്മ്മത്തിന്റെ ആരോഗ്യത്തിനും കറ്റാര് വാഴ ഉത്തമമമാണ്. ചര്മ്മത്തിന് പ്രായക്കുറവ് തോന്നിക്കാന് കറ്റാര് വാഴ സഹായിക്കും.
മലബന്ധം
ദഹന സംബന്ധമായ പ്രശ്നങ്ങളകറ്റാനും, മലബന്ധം മാറ്റാനും കറ്റാര് വാഴയിലെ നാരുകള് സഹായിക്കും. മലബന്ധമുണ്ടായാല് പരിഹാരമായി കറ്റാര് വാഴ ഉപയോഗിക്കാം.
ദഹനം
ദഹനത്തിന് സഹായിക്കുന്ന നിരവധി എന്സൈമുകള് കറ്റാര് വാഴയിലുണ്ട്. വയറിളക്കാനുള്ള മരുന്നായും ആഹാരസാധനങ്ങള് എളുപ്പത്തില് ദഹിക്കാനും കറ്റാര് വാഴ ഉപയോഗിക്കാം.
രോഗാണുക്കളെ നശിപ്പിക്കാന്
രോഗാണുനാശക ശേഷിയുള്ള കറ്റാര് വാഴ ബാക്ടീരിയ, വൈറസ്, ഫംഗസ് തുടങ്ങിയവയെ നശിപ്പിക്കും. ഉള്ളില് കഴിക്കുന്നത് വഴിയും, പുറമേ ഉപയോഗിച്ചും പലതരം രോഗാണുക്കളെ നശിപ്പിക്കാന് കറ്റാര് വാഴയ്ക്കാവും.