വയര്‍ നന്നാക്കും ചില ഭക്ഷണങ്ങള്‍

വെളുത്തുള്ളി നല്ലൊരു അണുനാശിനിയാണ്. ദഹനപ്രശ്‌നങ്ങള്‍ക്കുള്ള ഉത്തമ ഉപാധിയാണിത്. ദിവസവും
ഒരല്ലി വെളുത്തുള്ളി കഴിക്കുന്നത് ബ്ാക്ടീരിയകളെ അകററും.

തവിടു കളയാത്ത ധാന്യങ്ങള്‍ വയറിന് ഏറ്റവും പറ്റിയ ഭക്ഷണങ്ങളാണ്. ബാര്‍ലി, ഓട്‌സ്, തവിടുള്ള
ചുവന്ന അരി എന്നിവ ഇത്തരം ഭക്ഷണപദാര്‍ത്ഥങ്ങളില്‍ പെടുന്നു. മസാലകളൊന്നും ചേര്‍ക്കാതെ

ഇറച്ചി കഴിക്കണമെന്നുള്ളവര്‍ക്ക് ബേക്ക് ചെയ്ത കോഴിയിറച്ചി കഴിക്കാം. ബേക്ക് ചെയ്ത മീനും വയറിന് നല്ലതാണ്. മസാലകളും എണ്ണമയവും അധികമില്ലാതെ കഴിക്കുക.

ഇലക്കറികളും പച്ചക്കറികളും താരതമ്യേന വയറിന് ദോഷം ചെയ്യാത്തവയാണ്. ഇവ പാചകം ചെയ്യുന്നതിനും കഴിക്കുന്നതിനും മുന്‍പ് നല്ലപോലെ കഴുകണം. നാരുള്ള ഭക്ഷണം ദഹനത്തെ എളുപ്പമാക്കുന്നു.

പഴവര്‍ഗങ്ങള്‍ മിക്കവാറും എല്ലാംതന്നെ വയറിന് നല്ലതാണ്. പഴങ്ങള്‍ ഗ്യാസ്, അസിഡിറ്റി തുടങ്ങിയ പ്രശ്‌നങ്ങള്‍ ഭയക്കാതെ കഴിയ്ക്കാന്‍ പറ്റിയ ഭക്ഷണവുമാണ്.

ധാരാളം വെള്ളം കുടിയ്ക്കുകയെന്നതും വയറിന്റെ ആരോഗ്യത്തിന് വളരെ നല്ലതാണ്. ദഹനപ്രക്രിയ ശരിയായി നടക്കാന്‍ ഇത് സഹായിക്കും.

ചെറുനാരങ്ങാനീരും വയറിന്റെ ആരോഗ്യത്തിന് പറ്റിയൊരു പാനീയം തന്നെ.