Just In
Don't Miss
- Movies കാത്തിരിപ്പ് വെറുതെ; സിജോ മടങ്ങി വരില്ല?; കാരണങ്ങൾ നിരത്തി നാദിറ; ആശങ്കയിൽ പ്രേക്ഷകർ
- News സമ്മര് ബംപര് അടിച്ചില്ലേ? നിരാശപ്പെടേണ്ട, വിഷു ബംപര് ഇതാ എത്തി; സമ്മാനത്തുക എത്രയെന്നറിയുമോ?
- Sports IPL 2024: 12 ഓവറില് എസ്ആര്എച്ച് 3ന് 173, മുംബൈ 3ന് 165! കളി മാറിയതെങ്ങനെ? വില്ലനാര്
- Automobiles ടിക്കറ്റില്ലാത്തവര് റിസര്വ്ഡ് സീറ്റ് കൈയ്യേറിയോ? ഇക്കാര്യങ്ങള് ചെയ്താല് മതിയെന്ന് റെയില്വേ
- Travel ഇതല്ലേ സ്വർഗ്ഗം! ഈ ജീവിതത്തില് ഇതൊക്കെയല്ലേ കാണേണ്ടത്; ജന്നത്ത്- ഇ- കശ്മീര് യാത്രയുമായി ഐആര്സിടിസി
- Finance മൾട്ടിബാഗർ പെന്നി ഓഹരി, ഇന്ന് കൂടിയത് 1.30 രൂപ, കുതിപ്പ് വരും ദിവസങ്ങളിലും തുടരും, കൂടെക്കൂട്ടുന്നോ...
- Technology ആധാർ അപ്ഡേഷൻ: സർക്കാർ സമയം നീട്ടിനൽകി; സൗജന്യമായി എന്തൊക്കെ അപ്ഡേറ്റ് ചെയ്യാമെന്ന് ഇതാ
ട്രെഡ് മില് വ്യായാമത്തിന്റെ ഗുണങ്ങള്
വിവിധ രീതികളിലുള്ള വ്യായാമമുറകളുണ്ട്. പ്രത്യേകിച്ച് ജിമ്മില് പോകുന്നവര് ചെയ്യുന്നത്.
ജിമ്മില് ചെയ്യുന്ന വിവിധ വ്യായാമങ്ങളില് വളരെ പ്രധാനപ്പെട്ട ഒന്നാണ് ട്രെഡ് മില് വ്യായാമങ്ങള്. നടക്കുക, ഓടുക, ജോഗ് ചെയ്യുക തുടങ്ങിയ വ്യായാമങ്ങള് ചെയ്യുവാന് ട്രെഡ് മില് വളരെയേറെ സഹായകമാണ്.
ജിമ്മില് മാത്രമല്ല, വീട്ടിലും ട്രെഡ് മില് വാങ്ങി വ്യായാമം ചെയ്യാമെന്നുള്ളതാണ് ഗുണം.
ട്രെഡ് മില് വ്യായാമത്തിന്റെ ചില ഗുണങ്ങളെക്കുറിച്ചറിഞ്ഞിരിയ്ക്കൂ,
അപചയപ്രക്രിയകള്
ശരീരത്തിന്റെ അപചയപ്രക്രിയകള് ശക്തിപ്പെടുത്താന് ട്രെഡ് മില് വ്യായാമങ്ങള് ഗുണകരമാണ്. അപചയപ്രക്രിയ ശക്തിപ്പെടുന്നത് തടി കുറയാനും ശരീരത്തില് ഊര്ജോല്പാദനത്തിനും സഹായിക്കും.
എല്ലുകളുടെ ആരോഗ്യത്തിന്
എല്ലുകളുടെ ആരോഗ്യത്തിന് ട്രെഡ്മില് വ്യായാമങ്ങള് വളരെ നല്ലതാണ്. ഇത് ബോണ് ഡെന്സിറ്റി വര്ദ്ധിപ്പിയ്ക്കും. സ്ത്രീകള്ക്ക് എല്ലുതേയ്മാനം പോലുള്ള പ്രശ്നങ്ങള് വരാതിരിയ്ക്കാന് ഇത് ഏറെ സഹായകമാണ്.
മസിലുകളുടെ ആകൃതി
ശരീരത്തിലെ മസിലുകളുടെ ആകൃതി ക്രമപ്പെടുത്തുന്നതിലും ട്രെഡ് മില് വ്യായാമത്തിന് പ്രധാന സ്ഥാനമുണ്ട്. തുട, അരക്കെട്ട്, കാല്, നിതംബം തുടങ്ങിയവയുടെ രൂപഭംഗിയ്ക്ക് ഇത് വളരെ പ്രധാനമാണ്.
സ്ട്രെസ്
ഇത് സ്ട്രെസ് കുറയ്ക്കാനും നല്ലതു തന്നെ. ട്രെഡ് മില്ലില് വ്യയാമം ചെയ്യുമ്പോള് എന്ഡോര്ഫിന് എന്ന ഹോര്മോണ് ഉല്പാദിപ്പിയ്ക്കപ്പെടുന്നു. ഇത് സ്ട്രെസ് കുറയ്ക്കാന് സഹായിക്കും.
ഹൃദയാരോഗ്യത്തിനും
ഹൃദയാരോഗ്യത്തിനും ട്രെഡ് മില് വ്യായാമങ്ങള് വളരെ ഗുണകരമാണ്. ഇത് രക്തപ്രവാഹം വര്ദ്ധിപ്പിയ്ക്കും. ആരോഗ്യമുണ്ടാകാന് സഹായിക്കും.
സൗന്ദര്യം
ചര്മത്തിനും ട്രെഡ് മില് വ്യായാമങ്ങള് നല്ലതു തന്നെ. ഇതു ചെയ്യുന്നതു വഴി ചര്മസുഷിരങ്ങള് തുറക്കും. ചര്മത്തിലെ വിഷാംശം നീക്കം ചെയ്യപ്പെടും. ഇത് സൗന്ദര്യം വര്ദ്ധിപ്പിയ്ക്കും.