Just In
- 2 hrs ago മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള്
- 4 hrs ago ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി
- 5 hrs ago കൃത്യമായ കണക്കനുസരിച്ച് മേയ് 8-ന് ശേഷം ഭാഗ്യമുദിക്കുന്ന നക്ഷത്രക്കാര്
- 6 hrs ago നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം
Don't Miss
- Movies എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ
- News ലോക്സഭ തിരഞ്ഞെടുപ്പ് 2024 രണ്ടാം ഘട്ടം Live: കേരളം അടക്കം 13 സംസ്ഥാനങ്ങള് ബൂത്തിലേക്ക്
- Sports IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം
- Technology ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും
- Automobiles 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
സൗന്ദര്യമുള്ള വധുവാകാം
ഏതൊരു സ്ത്രീയും ഏറ്റവും സുന്ദരിയായി കാണപ്പെടാൻ ആഗ്രഹിക്കുന്ന വേളയാണ് വിവാഹദിനം. ആരാധനയും അംഗീകാരവും ഏറ്റുവാങ്ങി ആൾക്കൂട്ടത്തിന്റെ ശ്രദ്ധാകേന്ദ്രമാകാൻ ഓരോ വധുവും കൊതിക്കും. ആടയാഭരണങ്ങളും വേഷഭൂഷാദികളുമൊക്കെ ഉണ്ടെങ്കിലും ശരീരഭംഗി തന്നെയാണ് ഇവയിൽ ഏറെ പ്രധാനം.
നിയന്ത്രിതമായ ഭക്ഷണക്രമവും പതിവായ ലഘുവ്യായാമവും സൌന്ദര്യവർദ്ധക വസ്തുക്കളുടെ പരിചരണവും കൊണ്ട് കുറെയൊക്കെ ഇത് സാദ്ധ്യമാണ്. കോസ്മെറ്റിക്സ് ഉപയോഗിക്കുമ്പോൾ വെളുക്കാൻ തേച്ചത് പാണ്ഡാവാതെ ശ്രദ്ധിക്കണം. വിവാഹത്തിന് കുറച്ച് നാൾ മുമ്പേ തന്നെ തയ്യാറെടുപ്പുകൾ തുടങ്ങുന്നതാണ് നല്ലത്.
ചർമ്മകാന്തിയെ സംരക്ഷിക്കുന്ന ചില കാര്യങ്ങൾ അറിഞ്ഞുവെക്കുന്നത് അണിഞ്ഞൊരുങ്ങലുകൾക്ക് മുതല്ക്കൂട്ടാവും.
വരണ്ടചർമ്മം ശരീരഭംഗിയെ ഇല്ലാതാക്കും. ആൽഫ ഹൈഡ്രോക്സി ആസിഡുകൾ അടങ്ങിയ ഉത്പന്നങ്ങൾ ഉപയോഗിക്കുക വഴി ചർമ്മത്തിന് വൃത്തിയും മിനുസവും മാത്രമല്ല ചെറുപ്പവും തോന്നിക്കും. വിറ്റാമിൻ-എ, ഇ എന്നിവയടങ്ങിയ മോയിസ്ചറൈസറുകൾ ദിവസവും ശരീരത്തിൽ പുരട്ടാൻ മറക്കരുത്. തൊലിയുടെ സ്നിഗ്ദതയ്ക്കും മിനുസത്തിനും ഇത് ആവശ്യമാണ്. വരണ്ട ചർമ്മമുള്ളവർക്ക് കണ്ടുവരാറുള്ള മുഖക്കുരുവിനെയും ഇത് തടയും.
തടിച്ചുചുവന്ന മുഖക്കുരുവിനെ ഇല്ലാതാക്കുന്ന ഒരുപാട് ക്രീമുകൾ കടകളിൽ ലഭ്യമാണ്. റെറ്റിൻ-എ, ബെൻസോയിൽ പെറോക്സൈഡ്, സാലിസിലിൿ ആസിഡ്, സൾഫർ ക്ളിയോസിൽ-ടി എന്നിവ അടങ്ങിയ ലേപനങ്ങൾ മുഖക്കുരു മൂലമുണ്ടായ സുഷിരങ്ങളെ അടയ്ക്കാനും മുഖത്തെ ചോരനിറം കുറക്കാനും സഹായിക്കും.
പക്ഷെ ഇവയ്ക്കൊരു ദോഷമുണ്ട്. ചർമ്മത്തിന്റെ ഈർപ്പത്തെ ഇല്ലാതാക്കും. എണ്ണയുടെ അതിപ്രസരമില്ലാത്ത മോയിസ്ചറൈസറുകൾ ദിവസവും ഉപയോഗിക്കുകയാണെങ്കിൽ ഈ കുറവ് പരിഹരിക്കാം. എന്നിരുന്നാലും മുഖക്കുരു അധികമാണെങ്കിൽ ഒരു ത്വക്ക് രോഗ വിദഗ്ദനെ കാണിക്കുന്നതാണ് നല്ലത്.
കൺതടത്തിലെ കറുപ്പ് കണ്ണിന്റെ മനോഹാരിതയെ മാത്രമല്ല മുഖചാരുതയ്ക്ക് തന്നെ കോട്ടം വരുത്തും. മാനസിക പിരിമുറുക്കം, പോഷകങ്ങളുടെ കുറവ്, ഉറക്കമിളക്കൽ, വെയിൽ, അലർജി എന്നിങ്ങനെ കാരണങ്ങൾ പലതാണ്. വിറ്റാമിൻ-സി, കെ എന്നിവയടങ്ങിയ മുഖ ലേപനങ്ങളും അൽഫ ഹൈഡ്രോക്സി ആസിഡും കണ്ണിന് ചുറ്റുമുള്ള ഈ കറുത്ത വലയങ്ങളെ നീക്കാൻ പോന്നതാണ്.
ഇവ ഉപയോഗിച്ചിട്ടും കറുപ്പ് മാറുന്നില്ലെങ്കിൽ പരിഭ്രമിക്കേണ്ട. തൊലിയുടെ നിറവുമായി മാച്ച് ചെയ്യുന്ന കൺസീലറുകൾ ഉപയോഗിച്ച് ഭംഗിയായി ഇവയെ മറയ്ക്കാം.
കൺതടങ്ങളിൽ വീക്കം ഉണ്ടാകുന്നത് പലപ്പോഴും ആധിയും അലർജിയും ഉറക്കമില്ലായ്മയും കൊണ്ടാണ്. അലർജി കൊണ്ടുണ്ടാകുന്ന വീക്കത്തെ അതിനുള്ള മരുന്നുകൾ കൊണ്ട് ഭേദമാക്കാം. അല്ലാത്ത അവസരങ്ങളിൽ ഐ ക്രീമുകളും ഫേസ് മാസ്ക്കുകളും ഉപയോഗിക്കണം. കൂടാതെ തണുത്ത വെള്ളം ഉപയോഗിച്ച് അമർത്തി തടവുകയും വേണം.
വിറ്റാമിൻ-സിയോ
ആന്റി
ഓക്സിഡന്റുകളോ
അടങ്ങിയ
ക്രീമുകൾ
ഇതിന്
ഏറെ
നല്ലതാണ്.
ഇത്
ചർമ്മത്തിന്
ഈർപ്പവും
നല്കും.