Just In
- 51 min ago 2024 മേയ് മാസത്തെ സമ്പൂര്ണ നക്ഷത്രഫലം: വരുന്ന 31 ദിനം ഗുണദോഷഫലങ്ങള്
- 1 hr ago ചര്മ്മത്തിലെ വെളുത്ത പാടുകള് കൂടുന്നോ? വെള്ളപ്പാണ്ട് അല്ല, പക്ഷേ ശ്രദ്ധിക്കണം
- 2 hrs ago ചാണക്യനീതി: അര്ത്ഥപൂര്ണമായ ജീവിതം, മരണശേഷവും കുടുംബം സന്തോഷത്തോടെ
- 3 hrs ago മേയ് സമ്പൂര്ണഫലം: ശനി വര്ഷത്തില് അതിഗംഭീര നേട്ടങ്ങള്ക്ക് തുടക്കം
Don't Miss
- News സിനിമ മുതല് സർവ്വേ വരെ പാടില്ല: എന്താണ് നിശബ്ദ പ്രചരണം, അറിയേണ്ടതെല്ലാം
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
- Sports T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട്
- Automobiles ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും
- Movies ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
- Finance ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
മഴക്കാല പാദസംരക്ഷണം
അങ്ങനെ മഴ എത്തി. ഇനി ചെളിക്കുളമായ റോഡുകളിലൂടെയാവും നമ്മില് പലരുടെയും യാത്ര! ഇത് പലപ്പോഴും പാദങ്ങളെ ദോഷകരമായി ബാധിക്കുകയും പൂപ്പല്ബാധ പോലുള്ള ആരോഗ്യ പ്രശ്നങ്ങള്ക്ക് കാരണമാവുകയും ചെയ്യും.
അതുകൊണ്ട് മഴക്കാലത്ത് പാദസംരക്ഷണത്തില് അതീവശ്രദ്ധ ചെലുത്തിയേ മതിയാകൂ. ഈ മഴക്കാലത്ത് പാദങ്ങളെ എങ്ങനെ സംരക്ഷിക്കാമെന്ന് നോക്കാം.
പാദങ്ങള് വൃത്തിയായി സൂക്ഷിക്കുക
പാദങ്ങളില് പൂപ്പല്ബാധ ഉണ്ടാകുന്നത് തടയാനുള്ള ഏറ്റവും ഫലപ്രദമായ മാര്ഗ്ഗം അവ വൃത്തിയായി സൂക്ഷിക്കുക എന്നതാണ്. പുറത്ത് പോയി വീട്ടിലെത്തിയാലുടന് സോപ്പ് ഉപയോഗിച്ച് പാദങ്ങള് നന്നായി കഴുകുക. അതിനുശേഷം തുടച്ച് ജലാംശം പൂര്ണ്ണമായും മാറ്റുക, പ്രത്യേകിച്ച് വിരലുകള്ക്കിടയില്. അതിനുശേഷം ക്രീമുകളോ മറ്റോ പുരട്ടി പാദങ്ങളില് ഈര്പ്പം നിലനിര്ത്തുക.
നഖം വെട്ടുക
നഖങ്ങള്ക്കിടയില് അഴുക്ക് അടിഞ്ഞുകൂടാനുള്ള സാധ്യത ഏറെയാണ്. അതിനാല് മഴക്കാലത്ത് നഖങ്ങള് വെട്ടിവൃത്തിയാക്കുക. പതിവായി നഖം വെട്ടുന്നത് പാദങ്ങള് വൃത്തിയായി സൂക്ഷിക്കാന് ഒരു പരിധി വരെ നിങ്ങളെ സഹായിക്കും.
ശരിയായ പാദരക്ഷകള് ധരിക്കുക
മഴക്കാലത്ത് കഴിവതും ക്യാന്വാസ് ഷൂകളും ഹൈ ഹീല്ഡ് ചെരുപ്പുകളും ഒഴിവാക്കുക. ചില സമയങ്ങളില് നനഞ്ഞ ചെരുപ്പ് ഉപയോഗിക്കാന് നിങ്ങള് നിര്ബന്ധിതരായി തീര്ന്നേക്കാം. ഷൂകള് പോലുള്ള പാദരക്ഷകള് നനഞ്ഞ ശേഷവും ഉപയോഗിക്കുന്നത് അണുബാധയ്ക്ക് കാരണമാകാറുണ്ട്. അതുകൊണ്ട് വെള്ളം പിടിക്കാത്ത വസ്തുക്കള് കൊണ്ട് നിര്മ്മിച്ച ഫ്ളിപ് ഫ്ളോപ്പുകളോ അതു പോലുള്ള തുറന്ന ചെരുപ്പുകളോ മഴക്കാലത്ത് ഉപയോഗിക്കുക.
വൃത്തിയുള്ള പാദരക്ഷകള്
പാദങ്ങള് പോലെ തന്നെ പാദരക്ഷകളും വൃത്തിയായി സൂക്ഷിക്കേണ്ടത് അത്യാവശ്യമാണ്. ഫ്ളിപ് ഫ്ളോപ്പുകളും ഷൂകളും രാത്രിയില് കഴുകി ഉണക്കുക. പാദരക്ഷകളില് അടിഞ്ഞുകൂടിയിരിക്കുന്ന അഴുക്കുകള് നീക്കം ചെയ്യാന് ഇത് സഹായിക്കും. ഇതുവഴി അണുബാധ ഉണ്ടാകാനുള്ള സാധ്യതയും കുറയും.
പെഡിക്യുര് ചെയ്യുക
മാസംതോറും ചെയ്യാറുള്ള പെഡിക്യുര് മഴക്കാലത്ത് ഒരു കാരണവശാലും ഒഴിവാക്കരുത്. മഴക്കാലത്ത് പാദങ്ങള് ഒരുപാട് ബുദ്ധിമുട്ടുകള് നേരിടേണ്ടി വരും, ആ സമയത്ത് അവയ്ക്ക് സാന്ത്വനം നല്കേണ്ടത് അത്യാവശ്യമാണ്. വൃത്തിയുള്ളതും അണുവിമുക്തമായതുമായ ഉപകരണങ്ങള് തന്നെയാണ് പെഡിക്യുര് ചെയ്യാന് ഉപയോഗിക്കുന്നതെന്ന് ഉറപ്പുവരുത്തുക.